Киев, 31 јули 2014 (МИА) - Силни експлозии го потресоа подрачјето каде што се урна малезискиот патнички авион МH17 во Источна Украина, откако набљудувачи на ОБСЕ заедно холандски и австралиски експерти пристигнаа на местото на падот на авионот.
Неколку експлозии одекнаа на неколку километри од местото на падот на авионот, а можеше да се види и црн чад како доаѓа од селото кое се наоѓа недалеку од местото на падот на авионот.
ОБСЕ претходно соопшти дека негови набљудувачи заедно со холандски и австралиски експерти пристигнале на местото каде што падна малезискиот патнички авион.