Рим, 1 август 2014 (МИА) - Италија и официјално ја предложи својата шефица на дипломатијата Федерика Могерини за членка на следната Европска комисија, прецизирајќи дека Могерини ја кандидиират за функцијата висок претставник на ЕУ за надворешна политика и безбедност, пренесоа француските медиуми.
Премиерот Матео Ренци веќе неколку недели пред своите колеги инсистира да ја изберат Могерини за наследник на сегашната шефица на европската дипломатија, Британката Кетрин Ештон.
Кандидатурата на Могерини, меѓутоа, наиде на силен отпор од некои источни држави членки, кои сметаат дека таа покажува преголеми симпатии кон Русија.
Шефовите на држави и влади на ЕУ на 30 август ќе се состанат за да се обидат да ги распределат портфељите во следната ЕК, за чиј претседател е избран поранешниот премиер на Луксембург, Жан Клод Јункер.