Алан Жупе најави кандидатура за претседател на УМП

Париз, 20 август 2014 (МИА) - Алан Жупе, поранешниот премиер на Жак Ширак и шеф на дипломатијата во времето на Франсоа Митеран и Никола Саркози, најави дека ќе биде кандидат за претседател на конзервативната УМП за претседателските избори во 2017 година, јавува дописникот на МИА од Париз.

 - Одлучив да бидам кандидат на идните избори, најави Алан Жупе на својот блог со што ја официјализира својата кандидатура за претседелски кандидат на примарните избори на УМП.

- Остануваат помалку од две години за да се организираат (бидејќи разумноста сака тие да се одржат во прилетта 2016 година). Тоа е добар рок, дополнува Жупе во однос на примарните избори.

Тој смета дека е потребна една кандидатура на Унија, која ќе дозволи да се одмерат силите на едната страна со Националниот фронт и на другата страна со Социјалситичката партија.

Актуелниот градоначалник на Бордо смета дека дел од размислувањата кои ги изнесува заслужуваат да бидат продлабочени и доработени. Тој се залага за заедничка кандидатура на десницата и центарот уште при првиот круг на изборите бидејќи во спротивно во случај на поделби последиците во вториот круг се непредвидлив. Зборувајќи за владата на Мануел Валс, Алан Жупе е на мислење дека таа „ја изгуби довербата на Французите“.

Истакнувањето на кандидатурата на Алан Жупе не е случајно, бидејќи се повеќе се зборува за наводното враќање во политиката на Никола Саркози, кој во моментов има серизони проблеми со фрацуските судски и истражни органи.