Москва, 20 август 2014 (МИА) - Непознати лица закачија украинско знаме на врвот на еден облакодер во Москва, во близина на Кремљ, но тоа е симнато по три часа.
- Знамето го закачија непознати лица на врвот на еден облакодер на кејот Котељники. Алпинисти специјализирани за работа на големи височини веќе го симнаа знамето, рече портпаролот на руското Министерство за вонредни состојби Роман Килкејев.
Се претпоставува дека истите лица на тој облакодер црвената ѕвезда ја пребојадисале во жолто-сина - боите на украинското знаме. Надлежните служби ја симнуваат бојата.
Според полицијата, повеќе лица кај кои е пронајдена опрема за качување, се уапсени во Москва, сите од тој град и околина.
- Непознати лица, се качиле по внатрешните скали до последниот кат на облакодерот, а потоа, со помош на опрема за качување, го закачија знамето, рече истиот извор.