Киев, 1 септември 2014 (МИА) - Украинскиот претседател Петро Порошенко ја обвини Русија дека почнала „директна и отворена агресија“, што радикално го сменила балансот на силите на бојното поле во борбата на Киев против проруските сепаратисти.
- Против Украина почна директна и отворена агресија од соседна држава. Тоа на радикален начин ја смени ситуацијата во зоната на конфликт, истакна Порошенко во говорот на воената академија во Киев.
Порошенко најави и кадровски промени во украинската армија.
Тој истакна дека анкетите покажуваат дека армијата станала една од најреспектибилните структури во земјата.