Наришкин: САД и ЕУ би требало да воведат санкции едни на другиМосква, 18 септември 2014 (МИА) – САД и ЕУ би требало да си воведат санкции едни-на-други поради поддржување на режимот во Киев, кој го прекрши примирјето пукајќи во набљудувачи на ОБСЕ, изјави синоќа претседателот на Долниот дом на рускиот парламент Сергеј Наришкин.
– Примирјето воглавно се одржува, но пред два дена украинската армија пукаше во колона набљудувачи на ОБСЕ што значи дека владината војска го прекрши примирјето. Во тој случај, кога станува збор за санкции, Европската унија би требало да ги воведе спрема САД поради поддршка на режимот во Киев, но и обратно, изјави Наришкин.
ОБСЕ во почетокот на неделата објави извештај во кој се вели дека набљудувачи на таа организација биле под оган на 14 септември.
|