Расмусен е задоволенБрисел, 19 септември 2014 (МИА) -Генералниот секретар на Северно-атлантската алијанса (НАТО), Андерс Фог Расмусен е првиот претставник на дузината силни воено-политички организации со седиште во Брисел што излезе со коментар за одржаниот референдум за независност во Шкотска.
Како што јавува дописникот на МИА од Брисел, во својата куса изјава, Расмусен порача дека тој целосно го почитува изборот што луѓето од Шкотска го направиле на вчерашниот референдум.
- Ја поздравувам изјавата на премиерот на Обединетото Кралство, Дејвид Камерон дека Велика Британија ќе оди напред како обединета држава. Обединетото Кралство е еден од основачите на НАТО и јас сум убеден дека Британија ќе продолжи да игра водечка улога за да се задржи нашата Алијанса силна - порачува Расмусен.
Претходно, генералниот секретар на Алијансата посочи дека во случај на независност од Британија, Шкотите ќе мораат да аплицираат за членство и да минат низ филтерот на пристапување кон НАТО, што може да трае повеќе години пред да се вратат во Алијансата.
За разлика од Расмусен, лидерската двојка на Европската унија, Жозе Мануел Барозо и Херман ван Ромпуј, чија реакција се уште се очекува, два месеци пред одржувањето на референдумот до неговото завршување, тие одбиваа да дадат коментар со цел да не влијаат на демократскиот процес во оваа земја.
|