Берлин, 20 октомври 2014 (МИА) - Шефот на германската дипломатија Франк Валтер Штајнмаер денеска предложи формирање меѓународни „бели шлемови“ за борба со еболата.
- Може да се замисли нешто како бели шлемови. Тоа не би требало да биде постојана и трајна организација, туку пул за експерти, лекари и медицински персонал врз кој може да се потпреме во кризни ситуации, објасни Штајнмаер.
Германски медиуми јавуваат дека во Министерството за надворешни работи во Берлин се одржува состанок посветен на борбата со еболата. Во Германија пред неколку дена почина првиот и засега единствен пациент од ебола - лекарот Мохамед А.