Сорос: Русија е закана за Европа Москва, 23 октомври 2014 (МИА) - Политиката на Русија кон Украина претставува закана за самото постоење на Европа, оцени милијардерот Џорџ Сорос во авторскиот текст со наслов „Европо, разбуди се“, што денеска е објавен на сајтот на њујрошкиот „Ривју оф букс“.
-Европа се соочува со рускиот предизвик со самото нејзино постоење. Ниту европските лидери, ниту граѓаните не се свесни за овој предизвик или не умеат да се носат со него, наведе Сорос, а пренесуваат руските медиуми.
Сорос тврди дека руската политика наводно се темели на употребата на сила која се манифестира со репресија во земјата и агресија во странство, место на владеење на законите.
Тој истакна дека таквата политика може да наиде на широк одзив меѓу „анти ЕУ“ партиите, кои патем освоија многу мандати во Европскиот Парламент.
Сорос наведе дека во одсуство на единствен отпор од ЕУ и НАТО „нереално е да се очекува дека рускиот претседател Владимир Путин ќе запре на Украина, кога е на повидок поделбата на Европа со руска доминација над неа“.
Тој заклучи дека САД и државите од ЕУ треба да се однесуваат како да се во војна и на Украина да и ја понудат сета неопходна финансиска и воена помош.
|