Нов инцидент на руски аеродром: Камион за транспорт на багаж удри во авион Екатеринбург, 24 октомври 2014 (МИА) - На аеродромот во рускиот град Екатеринбург дојде до нов инцидент, овој пат, судар меѓу патнички авион на руската авиокомпанија „Уралски авиолинии“ и камион за транспор на багажот, јави ТАСС.
Во инцидентот нема настрадани, а до него дошло при подготовките за полетување на авионот. Во авионот немало патници.
По прегледот на авионот не биле утврдени оштетувања што можат да претставуваат опасност за неговото летање. Со два часа задоцнување авионот полетал за Москва.
Во понеделникот, при судир на авион „Фалкон“ со машина за чистење снег на московскиот аеродром „Внуково“ загинаа четири лица, меѓу кои беше и претседателот на францускиот концерн „Тотал“, Кристоф де Маржери.
|