29 октомври 2014 (МИА) - Портпаролот на Кремљ, Дмитриј Песков денеска негираше извештај на странски медиуми дека
рускиот претседател, Владимир Путин сериозно е болен.
- Јазикот да си го гризнете. Се е во ред, рече Песков, јави руската агенција Тасс.
„Њујорк пост“ на 24 октомври објави вест повикувајќи се на неименуван извор, дека Путин има рак на панкреасот и оти наводно го лекува лекар од поранешната Источна Германија кого Путин го запознал додека за служел во Дрезден во КГБ.
Според некои гласини, како што пренесува „Њујорк тајмс“, на Путин му остануваат три години од животот и тој сака како Петар Велики и Сталин да ги прошири руските граници.
Ова е причина, како што е наведено во текстот, за неговото брзање да изврши инвазија врз Украина.