Франција негираше испорака на „Мистрал“ за РусијаПариз, 30 октомври 2014 (МИА) - Францускиот произведувач на носач на хеликоптери „Мистрал“ ДЦНС соопшти дека „засега не е потврден датум“ на испорака на два од тие носачи за Русија.
Тоа е спротивно на изјавата на рускиот вицепремиер Дмитриј Рогозин кој рече дека Русија добила повик од Франција на 14 ноември да присуствува на свеченото примопредавање на првиот од двата носачи.
Портпаролот на ДЦНС изјави дека компанијата чека дозвола од Владата пред да ги испорача првите два носачи на хеликоптери, додавајќи дека „поради тоа во овој момент датумот на испорака не може да биде потврден“.
Рогозин вчера изјави дека Москва добила повик за свечено примопредавање на носачот.
- Од гледиште на техничкото исполнување на договорот, се оди по планот. Што се однесува до политичката одлука, сметаме дека Франција морала да го брани својот углед на сигурен партнер во воено-технолошка смисла, рече Рогозин.
|