Прага, 30 октомври 2014 (МИА) - Чешкиот претседател Милош Земан, говорејќи за борбата против тероризмот на средба со странските дипломати во Прага, порача дека терористите треба да се убиваат, објавија чешките медиуми.
- Притоа е сеедно дали тие се дел од Ал Каеда, талибанците или Исламска држава (ИД), оцени Земан, додавајќи дека терорист е секој оној кој со умисла убива цивили.
Како што јави дописникот на МИА од чешкиот главен град, Земан, долго време се залага за жестока акција против терористите и неодамна изјави дека Чешка би требало да биде поактивна во борбата против сунитско-исламистичката група Исламска држава (ИД).