Поранешен италијански министер за економија осомничен за корупцијаРим, 30 октомври 2014 (МИА) - Поранешениот италијански министер за економија Џулио Тремонти е осомничен дека примил поткуп од 2,4 милиони евра од концернот „Финмеканика“, објави денеска „Кориере дела сера“.
Италијанскиот весник наведува дека министерот од последната Влада на поранешниот премиер Силвио Берлускони, е вмешан во корупција, која ја истражува Обвинителството во Милано.
Според првичните информации „Финмеканика“, чиј контролен пакет е во сопственост на државата, во 2009 година и префрлила поголема сума пари на финансиската компанија на Тремонти на име консултантски услуги. По оставката на Владата, Тремонти се вратил во фирмата и станал еден од главните акционери.
Со Тремонти осомничени се и поранешниот директор на „Финмеканика“ Пјер Франческо Гуаргуалини и поранешниот финансиски директор Алесандро Панза.
|