Паоло Џентилони нов министер за надворешни работи на ИталијаРим, 31 октомври 2014 (МИА) - Актуелниот пратеник и поранешен министер за комуникации, Паоло Џентилони денеска е назначен за нов шеф на италијанската дипломатија на местото на Федерико Могерини, која стана заменик претседател на Европската комисија и висок претставник за надворешна политика и безбедност на ЕУ.
Џентилони, кој е член на владејачката Демократска партија, ќе наполни 60 години на 22 ноември. Во последната влада на Романо Проди, тој беше министер за комуникации од 2006 до 2008 година.
Џентилони е роден во Рим, каде дипломирал политички науки. Работел како новинар, а потоа и како портпарол на поранешниот градоначалник на италијанската претстолнина Франческо Рутели.
Според италианскиот печат, премиерот Матео Ренцо сакал да назначи жена како нов прв дипломат, за да се задржи балансот на претставници од двата пола во Владата, но потенцијалните кандидатки за таа функција биле оценети како несодветни.
|