Канбера, 14 ноември 2014 (МИА) - Активностите на Русија во источна Украина се неприфатливи и може да доведат до воведување нови санкции од страна на САД и Европската унија, предупреди денеска британскиот премиер Дејвид Камерон.
- Се уште се надевам дека Русите ќе го слушаат гласот на разумот и ќе признаат дека треба да и дозволат на Украина да се развива како независна и слободна земја со право на слободен избор, рече Камерон на прес-конференција во Канбера.
Тој истакна дека доколку Русија преземе позитивни и одговорни чекори во однос на слободата на Украина тие санкции би можеле да бидат укинати, а доколку земјата продолжи да ја влошува ситуацијата, тогаш санкциите може да се зголемат.