Белгија затвора амбасади и конзулати поради буџетски ограничувања

Брисел, 19 декемвреи 2014 (МИА) - Белгискиот министер за надворешни работи Дидие Рејндерс изјави дека ќе се затворат некои амбасади и конзулати, пред се во Европа, поради ограничувањата во федералниот буџет.

Белгија ќе ги затвори амбасадите во Талин (Естонија), во Рига (Летонија), во Вилнус (Литванија), Братислава (Словачка), Љубљана (Словенија) и во Никозија (Кипар). Исто така ќе бидат затворени и конзулатите во Келн (Германија), Лил и Стразбур (Франција) и Женева (Швајцарија).

Белгија ги затвора амбасадите и во Триполи (Либија) и во Бразавил (Конго), како и конзулатите во Казабланка (Мароко) и Јоханесбург (Јужна Африка). Предвидено е затворање и на Конзулатот во Торонто (КАнада) о претставништвата во Кито (Еквадор) и во Ла Пас (Боливија). Се укиннува и Амбасадата во Кабул (Авганистан).

Рејндерс навед дека ќе биде преразгледан списокот со дипломатските имоти зад границата, сопственост на Белгија.