Легалното продавање на канабисот може да и донесе на Франција 1,8 милјарди евра приходи

Париз, 19 декември 2014 (МИА) - Евентуалната легализација на канабисот –марихуната, во рамките на јавен монопол, може да и донесе на француската држава 1,8 милјради приходи, се вели во студијата на групата „Тера Нова“, јавува дописникот на МИА од Париз.

Дебатата за легалната консумација на канабисот не е нова, и се отвора речиси на секои две години, но во меѓувреме некои експерименти со легализацијата успеаа, како тие во Колорадо (САД). Сега се поставува прашањето од друг агол - потребно е да се легализира канабисот за да се собере финансискиот профит, кој сега оди во паралелната –подземна економија.

Групата за размислување „Тера Нова“, која важи за блиска до владејачките социјалисти, оди во насока дека е потребно да се легализира канабисот.

Заклучоците на специјалистите се исти како и при претходниот извештај од 2011 година, односно дека актуелната политика која се води во Франција за борба против канабисот е неуспешна.

Специјалистите замислија три можни сценарија со цел да се надополнат пропустите на системот: депенализација, легализација во рамките на јавен монопол и легализација во конкурентска рамка.

Втората можност е таа која ја посакуваат изработувачите на студијата, бидејќи со тоа државната каса би се наполнла со 1,8 милијарди евра од продажбата на канабисот.

Според проценките, во Франција има околу 500.000 секојдневни пушачи на канабис. Истовремено за борбата протоив канабисот годишно се трошат 568 милиони евра.

Треба да се знае дека специјалистите за борба против зависноста од наркотици е на мислење дека канабисот е исто толку опасна дрога, како и другите така наречени „посилни дроги“ за здравјето на редовните потрошувачи.