Вашингтон, 20 декември 2014 (МИА) - САД забранија вчера инвестирање во Крим и воведоа санкции кон 24 Украинци и Руси, како и кон неколку компании, кои според Вашингтон придонесуваат за дестабилизација на Украина.
Оваа одлука на САД следеше откако претходно Европската унија забрани инвестирање на Крим, стопирајќи ја европската помош за експлоатација на нафта и гас од Црно Море и забранувајќи им на европските патнички бродови да впловат во пристаништата на Крим.
Меѓу санкционираните е „Маршал капитал партнерс“, руска инвестициска група, сопственост на Константин Малофеев. Според американското Министерство за финансии тој помага во финансирањето на сепаратистите во источна Украина.
Санкции се воведени и кон рокерската организација „Ноќни волци“, чии членови служеа во кримските сили по анектирањето на Крим од страна на Русија.