Папата Франциско со критики за кариеризмот во Ватикан

Ватикан, 22 декември 2014 (МИА) - Поглаварот на Римокатоличката црква папата Франциско ја критикуваше денеска битократијата во Ватикан наведувајќи дека некои луѓе посекоја цена сакаат влијание, живеат двоен живот и „страдаат од духовен алцхајмер“ поради што заборавиле дека би требало да бидат Божји луѓе.

Божиќната честитка до кардиналите, бискупите и свештениците папата не ја исполни само со празнични поздрави и добри желби. Тој пред се потсети на 15-те гревови за кои се надева дека ќе бидат „излечени во новата година“.

Папата потсети на тоа како „теророт на озборување може ладнокрвно да ја убие репутацијата на нашите колеги и браќа“ и дека „разни крикови може да бидат рак кој пречи на хармонијата на телото, да го убие и да го согори во т.н. пријателски пожар“.

Папата додава дека некои во Ватикан „страдаат од патолошка желба за влијание“ и сакаат моќ, дури и ако тоа подразбира клеветење и дискредитирање на другите во јавност. На крајот од говорот папата побара да се помолат сите „за да зараснат раните од гревовите кои сите ги носиме“.