Москва, 27 јануари 2015 (МИА) - Рускиот претседател Владимир Путин во телефонски разговори со германскиот канцелар Ангела Меркел и францускиот претседател Франсоа Оланд, ги обвини властите во Киев за ескалацијата на вооружениот конфликт во источна Украина, соопшти прес-службата на Кремљ.
Путин на своите соговорници им посочил дека заострувањето на конфликтот се должи на стремежот на властите во Киев со сила „да го задушат бунтот во Донбас“.
Тој нагласи дека од првостепена важност е започнувањето политички дијалог меѓу Киев и претставници на сепаратистите од Доњецк и Луганск.