Гаук: Аушвиц е дел од нашиот идентитет и нашата историјаБерлин, 27 јануари 2015 (МИА) - Германскиот претседател Јоаким Гаук порача денеска дека сеќавањето на Аушвиц го обликувал германскиот идентитет и водено ја обврзал земјата да ги штити правата на сите нејзини граѓани.
- Нема германски идентитет без Аушвиц. Сеќавањето на Холокаустот е работа на сите граѓани кои живеат во Германија. Тоа е дел од историјата на нашата земја, рече Гаук на комеморативна свеченост во Бундестагот по повод 70-та годишнина од ослободувањето на нацистичкиот логор на смртта.
Морална должност на Германија, како што истакна, е не само да се сеќава на минатото, туку и да ги штити и чува правата на човештвото и на секој поединец.
- Го велиме тоа особено во момент кога ние во Германија повторно мораме да се согласиме за соработката меѓу различни култури и религии, рече Гаук и додаде дека почитувањето на достоинството на поединецот и меѓусебната солидарност се неопходни за напредок на општеството.
На свеченоста во Бундестагот, покрај канцеларката Ангела Меркел, министри, присуствуваше и еден преживеан од логорот Аушвиц.
|