Вашингтон, 28 јануари 2015 (МИА) - Припадниците на Исламска држава денеска емитуваа три нови видео-снимки, во кои се закануваат дека ќе ги убијат јорданските и јапонските заложници, но упатија и директна закана дека ќе го обезглават американскиот претседател Барак Обама во Белата куќа, јави телевизијата „Фокус њуз“.
Во едната видео-снимка тројца борци на ИД стојат над клекнат курдски борец кој му порачува на Обама дека ќе оди во САД.
- Обама знај дека ќе дојдеме во Белата куќа и таму ќе ти ја отсечеме главата, вели борецот.
Екстремистите исто така ги предупредуваат и евроските држави Франција и Белгија дека ќе извршуваат напади со автомобили-бомби.
Во посебна порака ИД се заканува дека ќе ги убијат јапонскиот заложник и јорданскиот пилот ако за помалку од 24 часа не ја ослободат терористката Саџиде ал Ришави од јордански затвор.
Јапонскиот премиер Шинѕо Абе за видео-снимката на ИД изјави дека е „достојна за презир“.