Рим, 31 јануари 2015 (МИА) - Четвртиот, и веројатно решавачки круг гласање за претседател на Италија почна во Парламентот, јави германската агенција ДПА.
По три науспешни круга, 1009 пратеници, сенатори и претставници на регионите денеска одново се собраа во обид да определат кој ќе биде следниот шеф на државата
За фаворит се смета Серџо Матарела, уставен судија, кандидат на Демократската партија на премиерот Матео Ренци.
Во првите три круга, спроведени вчера и завчера, за избор на претседател беа неопходни две третини од гласовите. На денешното гласање ќе биде доволно просто мнозинство, односни 505 од 1009 лица.