Лисенко: Во изминатите 24 часа убиени тројца украински војници во Источна УкраинаКиев, 27 февруари 2015 (МИА) - Тројца украински војници се убиени во Источна Украина во текот на изминатите 24 часа, соопшти денеска украинската армија.
- Во текот на вчерашниот ден загинаа тројца украински војници, а седум се повредени, изјави портпаролот на украинската армија Андреј Лисенко, без да објави повеќе детали.
Информацијата на најнови жртви доаѓа откако примирјето постигнато во Минск на 12 февруари почна конечно да се применува од двете страни, што резултираше со прекин на крвопролевањата во кои од април минатата година животот го загубија најмалку 5.800 лица.
Според Лисенко, борбите со проруските сили се прекинати на повеќе фронтови, но се уште има судири во села околу аеродромот во Доњецк.
- Проруските сили користат артилерија, гранати и тенкови во обид да ги заземат нашите позиции, истакна Лисенко.
|