Санкт Петербург, 27 февруари 2015 (МИА) - Двајца млади Руси се уапсени во регионот на Санкт Петербург под сомнение дека убиле хомосексуалец, нанесувајќи му 26 убодни рани.
Телото на 38-годишниот маж е откриено на почетокот на неделата во регионот на селото Всеволовск, во близина на Санкт Петербург. Полицијата уапсила неколку дена подоцна двајца мажи на возраст на 20 и 21 година под сомнение за убиство на хомосексуалецот.
Двајцата го признале убиството, изјавувајќи дека тоа го извршиле откако биле цел на сексуално вознемирување од стана на мажот.
Хомосексуалноста во Русија е сметана за болест до 1993 година и за душевно нарушување до 1999 година. Геј парадите систематски се забранети, а хомофобијата е отворено изразена. Хомосексуалците се почесто се цел на напади во Русија.