Рускиот претседател Владимир Путин го осуди синоќа убиството на опозицискиот политичар Борис Немцов, оценувајќи дека е можно да станува збор за нарачано убиство.
Портпаролот на Путин, Дмитриј Песков изјави дека е синоќешното убиство на Немцов е стопроцентна провокација, со оглед на плановите на опозицијата утре во Москва да одржи голем протест.
Песков додаде дека Путин бил веднаш информиран за настанот и оти изразил сочувство за смртта на опозицискиот политичар.
Путин, како што истакна Песков, им наредил на безбедносните агенции да спроведат истрага за убиството на Немцов.
Портпаролот на руското Министерство за внатрешни работи изјави дека Немцов починал во 23:40 часот, како последица на куршуми од огнено оружје, кои му биле испукани во грбот.
„Раша тудеј“ јави дека Немцов за време на убиството бил во придружба на женска личност, која во моментов е на сослушување во полицијата.
Немцов требаше утре да учествува на првиот поголем собир на опозицијата во изминатите месеци