Порошенко го прогласи 5 март за ден на жалост за загинатите во рудникот „Засјадко“Киев, 5 март 2015 (МИА) - Украинскиот претседател Петро Порошенко го потпиша указот со кој денешниот ден, 5 март, го прогласи за ден на жалост за загинатите од рудникот за камен јаглен „Засјадко“ во источниот украински град Доњецк, информира прес службата на украинскиот претседател, цитирана од ТАСС.
Вчераутро во рудникот дојде до експлозија на метан. Според податоците на локалните проруски сепаратистички власти, во рудникот во време на експлозијата имало 230 рудари.
Властите синоќа информираа дека во хаварија загинаа вкупно 33 рудари.
|