Киев, 5 март 2015 (МИА) - Украинскиот Парламент денеска усвои закон за зголемување на бројот на припадниците на украинската армија за една третина.
Со законот е предвидено бројот на украинските војници да се зголеми на 250 илјади лица.
Законот беше поддржан од 270 пратеници, а за негово усвојување беа потребни 226 гласови.
Законот треба да биде потпишан од украинскиот претседател Петро Порошенко, пред да стапи во сила.