Рим, 6 март 2015 (МИА) - Најмалку 50 луѓе загинаа при потонување на брод во вторникот во близина на Сицилија, покажуваат новите податоци на Меѓународната организација за имиграција.
Италијанската крајбрежна стража спасила 127 имигранти. По распитот на преживеаните лица најмалку 40 луѓе паднале во море пред да стигнат спасувачките екипи. Некои од нив биле деца, но точната бројка не е позната.
Меѓу спасените имигранти имало 27 деца и 51 жени.
Од почетокот на годината во Средоземно Море на пат од Северна Африка за Италија загинале над 400 луѓе.