Порошенко телефонски разговараше со Хамонд и Меркел

Киев, 6 март 2015 (МИА) - Украинскиот претседател Петро Порошенко и шефот на британската дипломатија Филип Хамонд на средбата во Киев ја истакнаа неопходноста сите страни да ги почитуваат преземените обврски од Договиорот во Минск.

- Ќе биде многу опасно ако европските партнери стават розови очила и одлучат дека се е во ред, посочи Порошенко, додавајќи оти за деескалација на ситуацијата во Украина треба да се испрати меѓународна мировна мисија.

Порошенко и Хамонд се согласија дека е нужно да се интензивира работата на мисијата на Организацијата за безбедност и соработка во Украина

Тие разговарале и за соработка во економијата и во одбраната.

Хамонд потенцира дека Лондон „одлучно го поддржува суверенитетот и заштита на територијалната целост на украинската територија“. Тој посочи дека Европската унија е подготвена да ја поддржи политиката на санкции кон Русија и да воведе нови санкции ако ситуацијата ескалира.

Порошенко телефонски разговараше со германската канцеларка Ангела Меркел за ситуацијата во Источна Украина.

Порошенко и Меркел се согласиле дека е неопходно да се зголеми бројот на набљудувачи на ОБСЕ .