Рига, 6 март 2015 (МИА) - Високата претставничка на ЕУ за надворешна политика и безбедност Федерика Могерини се изјасни денеска против повикот на конзервативците и демократите во САД да и се обезбеди на Украина дефанзивно оружје во борба против проруските сили.
Некои конгресмени од двете најголеми партии во САД вршат притисок врз администрацијата на претседателот Барак Обама за вооружување на Киев.
Могерини истакна дека „ЕУ прави доволно“ и наместо вооружување треба да работи на примена на мировниот договор постигнат минатиот месец во Минск.
Таа нагласи дека „на Украина сега не и се потребни само апсолутно почитување на нејзиниот суверенитет и територијален интегритет, туку и мир“.