Вашингтон, 25 март 2015 (МИА) - САД денеска и ги испорачаа на Украина првите десет оклопни возила од типот „Хамер“ во рамки на програмата за воена помош во „борбата против проруските сили во источниот дел на земјата“.
Според новинската агенција Укринформ, пратката на аеродромот Бориспољ во Киев ја дочекал украинскиот претседател Петро Порошенко.
Шефот на државата најави дека сите возила по опремувањето ќе бидат испратени „пред се во високомобилните десантни единици, кои извршуваат задачи во зоната на антитерористичките операции“.
- Сакам да им се заблагодарам на нашите партнери - САД, за целосната поддршка кон Украина. Тоа е реална и вистинска потврда за стратешко партнерство меѓу двете земји, истакна Порошенко.
Украинскиот претседател најави дека во следните 45 дена Украина ќе ги добие и останатите „Хамери“, кои се предвидени според договорот со Вашингтон.