Киев, 26 март 2015 (МИА) - Четири лица загинаа, а 11 други се повредени синоќа кога автобус со 26 патници нагазил на мина близу местото Артемивск во реонот на Доњецк, соопшти заменик-началникот на доњецката Управа на украинското Министерство за внатрешни работи, Иља Кива.
- Автобус со 26 лица, што патувал од Артемивск кон Хорливка, заобиколувајќи една препрека нагази на антитенковска мини. На местото на настанот загинаа четири жени. Шест повредени лица се пренесени во болница, напиша Кива на својот профил на Фејсбук.
Како што јави Укринформ, Кива подоцна соопшти дека бројот на повредени лица се искачил на 11.