Берлин, 29 март 2015 (МИА) - Идентификувани се останките на Андреас Лубиц, објави германскиот весник „Билд ам зонтаг“, кој се повикува на извори од француската истрага. Идентификацијата е извршена со помош на ДНК анализа.
Весникот го објави стенограмот на аудиоснимката од „црната кутија“ на урнатиот авион на „Џерман вингс“ во Алпите.
- Отворија ја проклетата врата!“ се последните зборови на пилотот, додека се слуша како се обидува да ја обие вратата од пилотската кабина, во која бил затворен Лубиц, а во позадина се слушаат и врисоците на патниците.
Весникот нагласува дека според извор од Луфтханза, под чија закрила е „Џерман вингс“, авиокомпанијата има хроничен недостиг на лекари, кои ќе се грижат за пилотите.
Во трите центри на авикомпанијата во Франкфурт, Хамбург и Минхен работеле едвај 20 лекари, кои требало да се грижат за 5.400 пилоти.