Шесторката и Иран во Лозана го подготвуваат документот за нуклеарната програма на Техеран Лозана, 30 март 2015 (МИА) - Министрите за надворешни работи на шестте светски сили (петте постојани членки на Советот за безбедност на ОН плус Германија) и Иран претпладнево во Лозана ја завршија својата последна средба во рамки на преговорите за иранската нуклеарна програма, пренесе ТАСС.
Според дипломатски извор, земјите посебно внимание му посветиле на прашањето на санкциите и ги разгледале формулациите што би можеле да се најдат во основата на идниот документ по разговорите меѓу министрите за надворешни работи.
Европски извор соопшти дека министрите на Велика Британија, Германија и Франција можно е да заминат од Лозана и веќе утре да се вратат на новите преговори со Иран.
Претставник на руската делегација изјави дека шефовите на дипломатиите на Русија и Германија планират во Лозана да оддржат билатерална средба.
|