Берлин, 1 април 2015 (МИА) - Седуммина Германци загинаа, а десетици се повредени во силната бура која што ги погоди и Австрија, Швајцарија и Велика Британија. Двајцата од седумте загинати во Германија животот го загубиле откако под налет на ветрот врз нивното возило паднало огромно дрво, јави дописникот на МИА од Берлин.
Според експертите за временска прогноза на најголемата германска планина Цугшпиц ветерот дувал со брзина од 190 километри начас. На главната железничка станица во Минхен сообраќајот бил запрен поради загриженост дека под налетот на ветрот може да падне покривната конструкција.
Сообраќајот поради силните ветрови бил запрен и на регионалните железнички линии во Долна Саксонија и Северна рајна – Вестфалија.Еден човек загинал кога парче бетон паднало на главата на несреќниот граѓанин во источниот град Грос Шантерслебен а во прекин бил и авионскиот сообраќај на аеродромите во Франкфурт, Хамбург и Минхен. Најмалку девет луѓе загинаа во земјите зафатени од бурата Никлас.