Недостиг од машиновозачи во Швајцарската железницаБерн, 20 април 2015 (МИА) - На Швајцарската железница (СББ) и се потребни машиновозачи и за нив е во потрага и во странство, тврди весникот Ноје цирихер цајтунг.
Според Железницата, „пазарот на машиновозачи во Швајцарија е исушено“, па персонал се регрутира од странство, пред се од Германија. Недостигот на машиновозачи е видлив веќе подолго време. Недостасуваат по 50 машиновозачи дневно.
За да се преброди тој недостиг, СББ има намера да врати машиновозачи кои се во пензија. Долгорочно, СББ има за цел поттик на обука за машинозачи и оваа година, наместо 107 треба да бидат обучени 169 машиновозачи.
|