Брисел, 20 април 2015 (МИА) - Во основа на проблемот со имигрантите се кризите во Сирија и Либија, изјави портпаролот на Европската комисија по повод новиот случај на бродолом во Средоземното Море на бегалци од Африка.
- Неопходни се заеднички напори, заеднички европски одговор поддржан од сите во Европската унија, тоа е заеднички проблем, изјави портпаролот по критиките дека ЕУ не поддржале продолжување на италијанската операција Маре нострум за спасување бегалци во Средоземното Море.
Тој додаде дека според претседателот на ЕК, сегашната состојба не може да продолжи.
- Важни се истовремено напорите на ЕУ во заедницата, но и справување со проблемот во основата, изјави тој.