Киев, 27 април 2015 (МИА) - Во Киев денеска се одржува Самит ЕУ-Украина, а украинскиот претседател Петро Порошенко најави дека од врвот на Унијата ќе побара да распореди мировни трупи на истокот на земјата, јави Танјуг.
- Тоа ќе биде моќен сигнал за поддршка на Украина и нејзините европски интеграции, порача Порошенко во сопштението за медиумите пред состанокот со претседателот на Европската комисија Жан Клод Јункер и петседателот на Советот на ЕУ, Доналд Туск.
Во Брисел, според аналитичарите во моментов нема многу волја да се исполни ова барање и Унијата на денешниот Самит, пред се, ќе инсистира Киев да ги спроведе неопходните економски и уставни реформи.
Денешниот Самит е прв откако Украина минатата година ја потпиша Спогодбата за стабилизација и асоцијација.