Руското Министерство за надворешни работи ги предупреди своите граѓани, кои патуваат во странство за ризиците од американските безбедносни органи и специјалните служби, кои спроведуваат лов на Руси во целиот свет.
Во соопштението се упатува обвинение против Вашингтон дека киднапира Руси и се споменува случајот со Владимир Дринкман, кој минатата година беше екстрадиран од Холандија во САД.
- Верувајќи дека може да прави се што ќе посака, Вашингтон оди дотаму и киднапира нашите граѓани, се наведува во соопштението на руското МНР.
Дринкман се изјасни за невин по обвинението за заговор, заедно со уште четири други лица за инсталирање на компјутерски софтвер за пресретнување на компјутерски мрежи на финансиски компании и други финансиско-економски субјекти.
- Заканата од апсење по наредба на безбедносните органи и специјални служби на САД во трети земји останува и е сосема реална, се наведува во соопштението.