Еден од лидерите на проруските сепаратисти од источниот дел на Украина, загина вчера со уште неколку свои соборци.
Шефот на Бригадите Призак, една од најпознатите милиции во регионот на Луганск, Алексеј Мозговој, убиен е синоќа, кога џипот со кој патувал налетал на заседа.
Мозговој го убиле непознати мажи вооружени со огнено оружје, речиси на истото место каде веќе е извршен обид за атентат врз него на 7 март, на автопатот меѓу Луганск и местото Алчевск, каде се наоѓа штабот на Бригадите Призак.
Претставник на споменатите милиции изјави дека Мозговој е тешко ранет и потоа починал на самото место.