Подобрено финансиското работење на ЈП „Пазаришта“ од КумановоКуманово, 27 мај 2015 (МИА) - Подобрување на финансиското работење регистрира јавното претпријатие „Пазаришта“ од Куманово во првиот квартал од годинава во споредба на истиот период лани.
Како што информира денеска директорот на претпријатието Илир Саити, претпријатието ја намалило загубата за милион и петстотини илјади денари.
- Резултатите почнаа да се подобруваат кон крајот на 2014 година кога забележавме намалување на загубата за 900.000 денари. Ова се должи пред се на отварањето на пазарот за стари работи, но и на расчистувањето на дивите тезги од повеќе локации во градот, рече Саити.
Со издавањето под закуп на деловните простории со кои стопансува „Пазаришта“, како што посочи Саити, се очекуваат месечни приходи од 100.000 денари.
Тој информираше дека во 2014 година во претпријатието се вработени нови 11 работници согласно потребите на претпријатието, бидејќи имало потреба од вработување на ветеринар на Сточниот пазар, агроном, но и на вработени на Зелениот пазар.
|