Заедничко авиопрскање против комарци во 10 општини на Југоисточниот плански регионГевгелија, 28 мај 2015 (МИА) - Во десетте општини на Југоисточниот плански регион ќе се изврши заедничко авиопрскање против комарци, заклучи Советот на состанокот што се одржа во Гевгелија под раководство на гевгелискиот градоначалник Иван Франгов во функција на претседател на Советот на Југоисточниот плански регион.
Врз основа на пријавените површини авиопрскањето ќе се изврши на површина од 6.300 хектари, а според расположливите средства за оваа намена во општинските буџети, минимум по едно прскање ќе се изврши во сите десет општини.
Франгов нагласи дека општина Гевгелија во буџетот има планирано средства авиопрскањето против комарци да се изврши два пати.
Советот одлучи веднаш да се поведе постапката за ангажирање изведувач и побара што побрза реализација на оваа заедничка акција.
|