МАЕИ освои едно градоначалничко и девет советнички местаПустец, 28 јуни 2015 (МИА) - Единствнета партија на Македонците во Албанија, Македонска алијанса за европска интеграција, МАЕИ, на локалните избори, одржани на 21 јун, освои едно градоначалничко и девет советнички места.
- Во општина Пустец, како што веќе е познато освоивме градоначалничко место. По трет пат Едомд Темелко ја доби довербата на жителите и тоа со над 80 отсто од гласовите. Во оваа општина имаме и седум советнички места, едно е во општина Малиќ, а за првпат имаме советник и во општина Подградец, вели Васил Стерјовски, генерален секретар на МАЕИ.
Според Стерјовски заедно партите од избрната коалиција во петнаесетчлениот совет на општина Пустрец имаат 13 советнички места.
На кандидатските листи за советници, кои партијата ги имаше во 16 од вкупно 61 општина, освоени се 3.641 гласови, што е многу повеќе од последните избори, пред четири години.
- Во Лорча светничкото место не го освивме за само неколку гласа. Тоа што е проблемот на МАЕИ е проблем на сите помали партии во Албанија. Ние немаме свои членови во избирачките одбори па кога се бројат гласовите поголемите партии си ги присвојуваат гласовите на помалите, оценува Стерјовски.
Тој додава дека освоените повеќе гласови споредено со претходните избори е доволен силен и јасен сигнал дека Македонците се повеќе вруваат дека само преку оваа партија и нејзините кандидати може да ги остварат своите права.
|