Отворена Народна кујна во општина ЗрновциKoчани, 29 јуни 2015 (МИА) - Во општина Зрновци почна да работи Народна кујна, која е 49 по ред која се реализира со програмата на Министерството за труд и социјална политика во повеќе градови во Македонија.
Народната кујна на почеток ќе ја посетуваат осум граѓани од општината, а нивниот број ќе се зголеми бидејки уште десетина граѓани поднеле документи за користење на услугата во неа.
- Услугите на народните кујни досега ги користат над 4.000 лица. По Зрновци деновиве Народна кујна ќе отвориме и во општина Другово, кичевско, а во план е отворање на уште четири народни кујни во Македонија, изјави Енвер Хусеини, државен секретар во Министерството за труд и социјална политика.
Градоначалникот на Зрновци, Блаже Станков истакна дека општината целосно е вклучена во работата на Народната кујна, обезбедувајќи простор за поделба на храната и нејзин транспорт од Кочани.
|