Скопје, 16 јули 2015 (МИА) - Советот за етика во медиумите на Македонија и Здружението на новинари на Македонија најостро го осудуваат физичкиот напад на вицепремиерот Владимир Пешевски врз сопственикот и уредник на интернет порталот Мактел, Саше Ивановски.
- За да се очекува новинарите да бидат максимално професионални и етични во своето известување, апсолутно дека треба да има демократска клима во која функционерите ќе бидат начисто со фактот дека трошат јавни пари и дека имаат обврска да даваат отчет пред јавноста, стои во соопштението од Советот, тело кое е одговорно за воспоставување на процесот на саморегулација во македонските медиуми, залагајќи се за што повисок степен на одговорност кај новинарите и почитување на новинарските стандарди во нивното известување.
Ова не е прв инцидент кој се случува со новинарот Саше Ивановски.