Изминатото деноноќие два пожара во Кривопаланечко Крива Паланка, 31 јули 2015, (МИА) - Екипите на територијалната противпожарна единица (ТППЕ) од Крива Паланка изминатите 24 часа интервенирале на два пожара кои се случиле на отворено, едниoт во селото Конопница, другиот во село Добровница. - Во село Добровница изгореа два хектара сува трева, еден тон сено и околу дваесетина родни дрвца. Пожарот настанал на приватен имот, а причината е невнимание на жителите. Во гаснењето и ликвидацијата учествуваше едно возило на ТППЕ со тројца пожарникари, а помогнаа и петмина жители на Добровница, информира Иле Коцевски, командир на ТППЕ Крива Паланка. Пожарот во селото Конопница зафати борова шума. - Опожарени се речиси еден хектар борова шума, но нашите екипи дејствувале брзо и не дозволиле пожарот да се прошири и да настане поголема материјална штета, додаде Коцевски. Според него, овој пожар настанал поради непочитување на забраната за движење во шуми која важи до 5-ти август годинава. - Апалираме сите граѓани кои немаат дозвола да ја почитуваат забраната заради лична безбедност и зачувување на шумите, истакна Коцевски.
На подрачјето на општина Крива Паланка овој месец се случиле вкупно девет пожари од кои само еден е со помала материјална штета.
|