Шефот на македонската дипломатија, Никола Попоски, денес на покана на високиот претставник на ЕУ за надворешни работи, Федерика Могерини и неговиот колега од Луксембург, Жан Аселборн, ќе учествува на неформалниот состанок на шефовите на дипломатиите на земјите-членки на ЕУ и земјите-кандидати за членство – Македонија, Албанија, Црна Гора, Србија и Турција.
Како што соопшти Министерството за надворешни работи, дискусиите на состанокот, кој почна вчера, се фокусирани на актуелната миграциска криза, која потекнува од земјите од јужното соседство на ЕУ, како и нејзиното менаџирање од страна на земјите-кандидати кои се соочени со масовен наплив на илегални мигранти.
На маргините на состанокот, предвидено е министерот Попоски да оствари билатерални средби со своите колеги од земјите-членки на ЕУ.