Во Пробиштип форумска расправа за буџетот за 2016Пробиштип, 8 октомври 2015 (МИА) - Општина Пробиштип денеска организираше Форум за буџетот на Општина Пробиштип за 2016 година.Општината трета година по ред ги прашува граѓаните каде да ги инвестира парите од основниот буџет, кој и наредната година ќе достигне до 120 милиони денари.
Градоначалникот, Тони Тоневски вели дека на овој начин граѓаните одлучуваат кои се приоритетни проекти за градот. Смета дека откако се реши водоснабдувањето во градот и селата, се асфалтираа и повеќе улици, сега приоритет се и останатите улици во градот и селата каде што жителите се уште газат по кал.
- Сметам дека на приоритетната листа треба да се стават и изградба на улиците, во населбата каде што живеаат пред се млади брачни парови. Во оваа населба куќите беа изградени на диво, но со законот за легализацијана дивоградбите, сопствениците си ги легализираа и сметам дека и таму треба да се изградат улиците. Во текот на изминатите години го решивме водоснадувањето во градот, изградивме и Градски пазар, ја реконструиравме и главната улица, а сега треба да продолжиме со доасфалтирање и на останатите улици, вели Тоневски.
Во форумската расправа за буџетот на општината учествуваа сите институции и организации во градот, кои ја прават и листата на приоритетни проекти за рударскиот град Пробиштип.
|